Jaume Còsta, Universitat Sorbona Nòva, París

Jaume Còsta, Universitat Sorbona Nòva, París

Jaume Còsta, Universitat Sorbona Nòva, París

Dètz jorns en Escòcia per parlar de lenga e de poder

Dètz jorns en Escòcia per parlar de lenga e de poder

Me fuguèt recentament balhada l’oportunitat, a travèrs d’un financiament STSM de l’Action COST IS1306 ‘Nòus locutors dins una Euròpa multilinga’, de passar dètz jorns en Escòcia.

S’agissiá de trabalhar amb Bernadette O’Rourke, Professora a l’Universitat Heriot-Watt d’Edimborg, sus de tematicas dau Grop de Trabalh 10 (WG10) d’aqueu projèct que ne’n siáu co-coordonator amb Alfonso Del Percio de l’Universitat d’Oslo en Norveja.

Aqueu grop de trabalh, qu’acampa de cercaires de l’Euròpa entiera, cerca de cavar la question de la legitimitat dei nòus locutors dins de contèxts de lengas minorizadas o non en Euròpa, e dins aqueu cadre la problematica dei nòus locutors es clarament centrala.

O sabèm ben en Occitània, mai se pòt dire la mema causa dins mantuneis autrei luècs, sufís pas de sacher parlar occitan per èstre acceptat per leis autrei locutors.

Fau tanben es reconoissut coma locutor legitim, es a dire dotat de la capacitat de s’exprimir publicament en Occitan, per èstre prés au seriós, cresegut, mostrar una certa autoritat, o tot simplament per que lo mond acceptèsson aqueu o aquela qu’a aprés la lenga fòra la familha coma interlocutor e que li parlèsson, o respondèsson, en occitan.

Continue reading
938 Hits
0 Comments

Posts Calendar

Wait a minute, while we are rendering the calendar